Myndasafn uppbyggingaráranna
Safn ljósmynda frá uppbyggingu Urriðaholts frá 2004 til 2025 er aðgengilegt á netinu. Miklir leitarmöguleikar eftir árum og efnisorðum og heimilt er að hlaða niður myndum til einkanotkunar. Hlekkir á myndasafnið hér fyrir neðan.
Ljósmyndasíða Urriðaholts, myndir frá 2004 til 2025
Elstu myndirnar sem hægt er að skoða á ljósmyndasíðunni eru teknar úr lofti 2004 af óbyggðu Urriðaholti og Kauptúni. Myndasafninu er skipt niður í nokkra meginkafla, en auk þess er hægt að leita eftir öllum efnisorðum (keywords) sem skráðar hafa verið í myndirnar, svo og ártölum og mánuðum. Myndirnar eru í fullri upplausn og er öllum heimilt að hlaða þeim niður til einkanota. Myndirnar eru í aldursröð, frá þeim elstu til þeirra nýjustu.
Hér geturðu skoðað myndasafnið á myndasíðunni Smugmug.com
Hér geturðu skoðað myndasafnið í Google Photos (sömu myndir og á Smugmug).
Efnisorð og meiri upplýsingar
Með flestum myndanna eru skráð efnisorð um staðsetningu í Urriðaholti, hvernig myndefnið tengist (t.d. er mikið af myndunum merktar framkvæmdum). Leitin í myndasafninu notar bæði heiti myndarinnar og efnisorðin í henni. Hægt er að sjá efnisorð (keywords) myndanna með því að smella á i-tákn í hring (photo details) vinstra megin við myndina.
Viðbúið er að einhverjar myndanna séu ekki staðfærðar rétt. Mögulega hafa íbúar í Urriðaholti meiri upplýsingar um myndina en koma fram í efnisorðum. Hægt er að setja inn athugasemd (comment) við hverja mynd með meiri upplýsingum. Til þess að geta sett inn athugasemd þarf annaðhvort að skrá sig inn á Smugmug myndasíðuforritið eða með Google (Gmail) aðgangi.