Tímamælingar sýna hversu vel Urriðaholt er staðsett á höfuðborgarsvæðinu með tilliti til aksturstíma.

Akstursmælingar Ólafs Guðmundssonar umferðarsérfræðings sýna með skýrum hætti hversu fljótlegt er að komast til og frá Urriðaholti um höfuðborgarsvæðið. Þar skiptir nálægðin við Reykjanesbraut mestu, en hún er ein greiðfærasta gata landsins. Tvær akreinar eru í hvora átt og umferðarslaufur sem tryggja viðstöðulausan akstur.

Urriðaholt ehf. fékk Ólaf til að mæla aksturstíma á algengum leiðir á höfuðborgarsvæðinu á prófunarbíll sem er útbúinn nákvæmum búnaði til að mæla tíma og vegalengdir, svo og eldsneytiseyðslu. Aksturinn er jafnframt tekinn upp á myndband.

Mælingarnar sýna að mun „styttra“ er í Urriðaholt en kílómetratalan sýnir. Að jafnaði tekur aðeins um sex mínútur að aka milli gatnamótanna við Urriðaholt og gatnamóta Miklubrautar við Elliðaárvog. Það er um 7 km vegalengd. Eftir Miklubrautinni niður í miðbæ Reykjavíkur (eða til baka) getur hins vegar tekið allt að 20 mínútur að fara 4,7 kílómetra leið.

Akstur milli Urriðaholts og Smáralindar tekur innan við 3 mínútur og nálægt fimm mínútur í miðbæ Hafnarfjarðar. Rétt rúmlega hálftíma tekur að fara milli Urriðaholts og Keflavíkurflugvallar. Eins og gefur að skilja styttir þetta ekki aðeins ferðatíma einkabílsins, heldur hefur einnig jákvæð áhrif á þann tíma sem tekur að fara með strætó. Leið 21 kemur í Urriðaholt og endastöðvar hennar eru annars vegar Mjódd og hins vegar Fjörður í Hafnarfirði.

Tafla yfir mælingar tæknistjóra EuroRAP á akstri á ýmsum vegalengdum á höfuðborgarsvæðinu.